Hå Dur & Moll
Blandakoret Hå Dur og Moll er eit frilynt kor med medlemmer frå fleire kommunar: Bjerkreim, Sandnes, Klepp , Time og Hå. Repertoaret er mangesidig som til dømes songar frå musikaler, stubber og viser, popsongar, folketoner, julesongar med meir. Vi har ein populær sommarkonsert kvart år på Obrestad i tillegg til julekonsert og diverse andre mindre framsyningar. I tillegg har vi ei intens øvingshelg på vårt årlege korseminar og år om anna deltar vi på korfestival, i Norge eller utalands. Men det viktigaste: vi er ein gjeng blide songarar som liker å synge, særleg under vår eminente dirigent Ragnhild Elisabeth Hoel som tar oss til nye høgder stadig vekk.Hå Dur og Moll er medlem av Rogaland Korforbund. Vi er 20-25 medlemmer og tar alltid imot fleire. Årleg kontingent er kr 2 000, men nybegynnarar kan prøve seg ei god stund før kontingent blir aktuelt. Øving på Bø skule på Nærbø kvar måndag kl 19 - 21.30, inkl kaffepause. Ein prat med leiar (952 35 500) eller dirigent (924 43 772) i forkant kan vere lurt om ein vil prøve seg. Hjarteleg velkomen.
